Smá fet eru vegurin fram, tá íð tú skal lætna. Hetta merkir, at tú tekur støði í tínum núverandi vanum og lívi. Málið er at finna fram til tær broytingar, íð

• Eru góðar fyri tína vekt og heilsu
• Tú hevur hug til at gera
• Eru realistiskar í tínum gerandisdegi - Ikki bert teir næstu 14 dagarnir, men í laaanga tíð

Tað íð er avgerandi er, at tú skal uppliva hvørja broyting sum eitt so lítið fet, at tú næstan ikki kann lata vera við at gera tað. Tá íð tú tekur smá fet, kanst tú blíva við og við. Tá íð tú hevur tikið eitt lítið fet tann rætta vegin, kanst tú taka eitt lítið fet afturat eftir eina tíð. Tú fer tá at uppliva góð úrslit – og tað ger eisini at tú fær hug til at halda á!

Kanningar vísa, at tá íð tú lætnar á henda hátt, gongur tað seinni í byrjanini, enn um tú lætnar við td. at telja kaloriur. Men sum frá líður lætnar tú meiri við smáum fetum. Tí mást tú frá byrjanini vera ógvuliga tolin. Set tær ítøkilig mál, íð tú setur tær fyri at gjøgnumføra - Gerningar, íð tú upplivir sum smá fet, og sum taka støði í tínum núverandi vanum. Um tú setur inn tey røttu støðini, kann tú lætna nógv og eisini klára at halda dreymavektina við líka.

Og minst til, at tað er heilt vanligt viðhvørt at eta ella drekka okkurt, íð ikki er serliga sunt - Tað er ein partur av eini nátúrligari javnvág.

Sjálvt tann longsta ferðin byrjar við einum feti. Tað er sera einfalt, men ofta torført at minnast til í tí dagliga:

• Tað er betri at eta eitt súrepli um dagin enn ikki at eta 6 um dagin
• Tað er betri at ganga ein túr enn ikki at renna ein túr

Gott vikuskiftið!