Brúsublómutyssi
Býlið

Brúsublómutyssi

Blómutyssi í brúsuni – nú skulu vit ikki bert hava blómutyssi í stovuni og køkinum, men eisini á vesinum. Tað er sera populert júst nú at heingja ella seta smá blómutyssi tætt við brúsuna, soleiðis at brúsibaðið gerst eitt sindur meira vælverukent. Her eru 4 blómur og kryddurtir, sum eru væl egnaðar í einum brúsublómutyssi.
Eftir: Tóru Effersøe Mortensen - Mynd: Veitari 15.03.2020

Leygarurt – lítla vakra lilla litta blóman er góð fyri angist og hjálpir, um tú hevur tupulleika við at sóvna, og leygarurt hevur eisini avslappandi árin á nervalgið.

Rosmarin – kryddurtin sum minnir um grann, er sambært kanningum serliga góð fyri at betra avrikini hjá heilanum.

Piparmynta – frískligi angin frá piparmintu verður ofta settur í samband við eitt betra minni, kanningar vísa, at fólk sum hava anga piparmyntu í fimm minuttir minnast betri.

Eucalyptus – Plantan við eyðkenda anganum er góð fyri andadráttin og kann, um hon verður nýtt saman við dampi loysa slím á andaleiðunum.




Viðkomandi greinar