Hesi fimm triksini gera tín køk meiri ‘Instaworthy’
#1: Rudda upp!
Um tú vilt hava ein instaworthy køk, so er fyrsta stigið at sleppa tær av við alt óneyðugt órudd í køkinum. Bunkar av gomlum avísum og brøvum hoyra ikki heima í einum instaworthy køki og lat ikki ting savna seg á borðplátuni ella uppi á køksskápunum. Eitt gott triks at sleppa av við óneyðugt órudd, er at lata sum um, at tú ert ein gestur í húsinum; eygleið tín køk, sum tú eygleiðir aðrar køkar – hvat skurrar og hvat óruddar. Fá tað goymt burtur!
#2: Vís tíni vøkru køksamboð fram!
Fram á borðið við KitchenAid maskinuni og savna vøkru træsleivirnar í eina leirkrukku á borðinum. Vit eiga allar nøkur sett av Victorinox – friður verði við tí – men vís endiliga ikki hesar fram;-)
#3: Burtur við plastinum!
Næstan alt plast skurrar fyri tíðina. Tú finnir ongar limegrønar uppvaskibustir úr plasti á Instagram, og er tað ein instaworthy køk, tú vilt hava, so er tað ein instaworthy køk, tú skalt skapa: Tak eina rundu í køkinum og kanna, hvat tú kanst skifta út. Nýggja merki Iris Hantverk, sum fæst hjá Mariu Poulsen Búnýti í Havn ger vøkur gerandisamboð úr bambus og burðardyggum træi. Skiftir tú til dømis tín plast feiubakka út við ein vakran bambus feiubakka, so kanst tú faktiskt hanga hann fram á ein vakran knaka í køkinum, og so hevur tú knappliga ein vakran lut, sum tú errin kanst sýna fram á Instagram – í mun til ein ljótan feiubakka úr plasti, sum tú skalt goyma langt undir vaskinum.
#4: Penir lappar og viskustykki!
Sjálvt tann flottasti køkurin kann oyðileggjast av einum skríggjandi ljósareyðum mikrofibur lappa hangandi á køkskrananum. Skift allar ljótar lappar og ljót viskustykki út við penari versiónir – so verða tínir brúkslutir knappliga prýðislutir, og tað júst ta kotuna, tú skalt knekka, um tú vilt hava ein instaworthy køk.
#5: Pynta!
Hóast køkurin skal vera bæði funktionellur og reinligur, so er tað ein útbreidd misskiljing, at køkurin skal vera púra sterilur. Hav frísk blomstir, eina flotta plantu og stearinljós í køkinum. Tað ger ALLAN munin, at tú líka syrgir fyri at seta tín egna persónliga dám á køkin, tá tú hevur ruddað út. List á veggjunum og skulpturar á hillunum kunnu eisini vera við til at geva rúminum tað síðsta eyka lyftið.
