![Vakur og einfaldur appilsinkransur](https://kvinna.cdn.fo/savn/20spkrcx/skaermbillede-2023-12-21-kl-141158.png?width=1200&height=680&bgcolor=fff&rxy=0.5037552006916989,0.377171843452362&rmode=crop&format=jpg&t=496&s=4BQC5BKTqX4IrzOl5SzLSdaT7Tw)
Set ovnin á 100 stig.
Sker nakrar appilsinir í tunnar flísar, legg flísarnar á eina bakiplátu við bakipappíri og turka tær í ovninum í ein lítlan tíma. Tak síðani bakiplátuna út – vend appilsinflísunum við, og baka tær síðani aftur í ein lítlan tíma. Allir ovnar eru ymiskir, og tað er torført at siga júst, hvussu leingi appilsinflísarnar skulu vera í ovninum. Tað veldst eisini um, hvussu tunnar flísarnar eru skornar.
Tá ið appilsinflísarnar eru lidnar, skulu tær leggjast á eina rist at kólna og gerast heilt turrar. Best er, at seta appilsinflísarnar í ovnin í góðari tíð, soleiðis at tær í minsta lagi hava eitt samdøgur til at turka, tá tær eru komnar úr ovninum.
Ger kransin
Til kransin skalt tú brúka ein ring av onkrum slagi; hørðum pappi, træi ella líknandi, og støddin á ringinum skal vera áleið 30 cm í tvørmát. Límið skal vera sterkt, og vit viðmæla, at tú brúkar ein límpistól. So er bert eftir at líma turru appilsinflísarnar á ringin – og legg hvørja nýggju flís eitt sindur inn yvir ta fyrru, tú hevur límað. Hang lidna kransin upp við einum vøkrum bandi.