Stoyt vatn og ger í ein bolla og upploys gerina.
Lat restina av tilfarinum í deiggið og elt væl saman. Best er at brúka rørimaskinu og lata elta í umleið 8 minuttir við høgari ferð. Lat deiggið ganga í ein tíma. Kroyst hvítleykin, hakka persilluna smátt og blanda við bleyta smørinum. Rulla deiggið til ein fýrkant umleið 40 x 35 cm. Smyr persillusmørið á deiggið og legg síðan nakrar flísar av mozzarellaosti omaná. Sker deiggið í 16 eins stórar fýrkantar. Legg fýra fýrkantar oman á hvønn annan og halt fram, til einki deiggj er eftir. Smyr ein avlangan form við olju og legg síðan fýrkantarnar í formin soleiðis, at teir standa – ímynda tær, at tað er eitt torn, sum liggur á liðini. 
Baka breyðið í 18-20 minuttir á 220 stigum í luftovni –tað er liðugt, tá tað byrjar at blíva gylt á toppinum.