Dressingurin, sum ger skundverðan enn betri

Matur

Tú kennir kanska longu Pítusósa og Coctailsósa frá íslendska E. Finnsson, men nú kanst tú gleða teg til enn fleiri góðar dressingar, sum vit longu hava roynt og gjørt leskiligar uppskriftir til. Royn oksaburgara við bearnaisedressingi, heimagjørd kips við hvítleyksdressingi ella ein broysknan høsnarungaburgara við pipardressingi.

Eftir: Myndir og uppskriftir Tóra Effersøe Mortensen Gjørt í samstarvi við E. Finnsson 28.11.2023

Uppskriftirnar eru til 4 fólk

Broyskin høsnarungaburgari

600 g av høsnarungabringu
2,5 dl av panko-raspi
50 g av parmesanosti

2 dl av blaki
½ tsk av hvítleykspulvuri
½ tsk av leykpulvuri
1 tsk av paprika
½ tsk av salti
Nýmalið pipar

Agurka
Crisp salat
4 brioche burgarabollar við sesami
Pipar-dressing frá E. Finnsson

Soleiðs gert tú:

Broyskin høsnarungi:

Sker høsnarungan í hóskandi stykkir. Banka høsnarungan, so tú fært nøkur stykkir, sum eru jøvn í stødd og tjúkd. Rív parmasanost og blanda saman við panko-raspinum og set til síðis. Rør alt kryddið saman við blakinum. Legg høsnarungan í blakið og vend síðan í raspinum. Legg á eina bakarovnsplátu við bakipappíri og steik í ovninum á 220 stigum í 20-25 minuttir – vend høsnarungastykkjunum nakrar ferðir, so báðar síður vera broysknar

Avokadomos
2 avokado
Saft og skal frá hálvari vistfrøðiligari sitrón

Mosa avokadoirnar, pressa saftina úr sitrónini, rív sitrónskalið. Rør væl saman og smakka til við salti og pipari.

Legg burgaran saman
Hita burgarabollarnar í ovninum. Smyr síðani avokadomos á undirbollan, síðani leggur tú høsnarunga, salatblað og flísar av agurku á. Enda við pipar-dressingini. Njót beinanvegin

Kips

6 bakiepli
2 ssk av olivinolju
2 lógvar av fínthakkaðum timiani
Flakasalt

Hvítleyks-dressing frá E. Finnsson

Nýggju sløgini av dressingi frá íslendska E. Finnsson, sum eru hvítleykur, pipar og bearnaise, eru at finna í flestu matvøruhandlunum.

Soleiðis gert tú:
Set ovnin á 225 stig. Vaska eplini og sker í bátar. Vend eplini í olivinolju. Krydda við salti og einum lógva av smátthakkaðum timiani. Baka, til kipsini fáa lit og verða broyskin – umleið 30 minuttir. Stroy restina av smátthakkaða timianinum omanyvir, tá tú leggur á brettið

Oksaburgari við bearnaise

600 g av oksakjøti
4 flísar av góðum cheddarosti

8 flísar av royktum fleski

Tomat
Crisp-salat
Leykur

4 burgarabollar

Bernaise dressing frá E. Finnsson

Ger fýra burgarabúffar og steik teir í eitt sindur av olju. Krydda við pipari og salti. Tá búffarnir eru lidnir, vend teimum so eina síðstu ferð og legg ostin omaná – lat liggja eina løtu, til osturin byrjar at smelta.

Steik fleskið á pannuni, til tað er broyskið

Legg burgaran saman

Hita burgarabollarnar í ovninum. Legg crisp-salat á undirbollan, síðani búffin, tvær flísar av fleski, tvær flísar av tomat og nakrar flísar av tuntskornum leyki, enda við bearnaise-dressingi. Njót beinanvegin.