Vatnbakkilsi

(12 stk)

250 g av vatni

125 g av smøri

125 g av hveitimjøli

3 stór, pískað egg

Soleiðis gert tú

Kóka vatn og smør og sálda mjølið í grýtuna og hita deiggið í 3-4 minuttir við eini sleiv. Deiggið er liðugt, tá tað fer at klikkja í. Deiggið skal ikki brúnkast! Stoyt alt í eina skál ella rørimaskinu. Píska eggini lætt saman. Lat deiggið kólna eitt sindur, og við deiggjkrókinum rørir tú við miðalferð, meðan tú letur eggini í so við og við, til deiggið samlar seg. Um tú ikki hevur eina rørimaskinu, kanst tú brúka eina sleiv og røra væl fyri at samla deiggið.

Síðani skal deiggið í ein sproytuposa við einum stjørnustrúti. Legg bakipappír á eina bakiplátu og sproyta síðani ein ring á uml. 5 cm í tvørmáti við deigginum við góðum millumrúmi ímillum hvønn ring. Hita ovnin til 175 stig við luft og set pláturnar inn. Skal baka í 30-35 minuttir.
GG! Tað er týdningarmikið, at tú ikki letur ovnin upp, meðan bakað verður, tí so fella vatnbakkilsini saman.
Lat tey kólna og sker í helvt.

Sitrónkrem

500 g av bóndamjólk

1 tsk av vaniljusukri

6 eggjareyðar ella 120 g av hitaviðgjørdum eggjareyðum

150 g av sukri

40 g av maisstívilsi

1 tsk av rivnum sitrónskali

1 spsk av sitrónsaft

Soleiðis gert tú

Kóka mjólk, vaniljusukur og helvtina av sukrinum í eini grýtu.

Píska reyðar, hina helvtina av sukrinum og maisstívilsi í einum bolla. Tá mjólkin kókar, stoytir tú helvtina av mjólkini í bollan. Rør tað saman og kvika tær at fáa tað aftur í grýtuna – píska til kremið tjúknar. Píska í uml. 2 minuttir afturat, so maizena smakkurin verður kókaður burtur.

Píska vanilju, sitrónskal og -saft í. Stoyt kremið í ein frystiposa ella eldfast fat og klæð við húsarhaldsfilmi, so ongin luft sleppur til. Set á køl.

Tá kremið er kólnað, pískar tú tað við pískirísi, áðrenn tú stoytir tað í ein sproytiposa. Sproyta kremið í miðjuna av vatnbakkilsunum.

Skúm við siroppi

300 g av róma

30 g av Lyle’s Golden Syrup

Soleiðis gert tú

Píska róma og siropp til luftvorðið skúm og sproyta ein ring rundanum kremið. Legg ovara helvtina á vatnbakkilsinum á.

Karamell-ganasj

80 g av róma

200 g Golden sjokolátu frá Callebaut

30 g av køldum smøri, skorið í smáar terningar

Soleiðis gert tú

Kóka róman upp og stoyt omaná sjokolátuna í einum bolla. Lat kalda smørið í og píska til tað verður til eitt javnt krem.

Lat ganasjið kólna, áðrenn tú smyr tað á vatnbakkilsini.

Spyr eina spísiskeið av ganasj omaná vatnbakkilsini og pynta við sitrónskali og etiligum gulldusti.

Ristaðar mandlur

150 g av mandlum

1 ssk av olivinolju

1 tsk av fínum salti

Soleiðis gert tú

Hita ovnin til 150 stig við luft. Blanda mandlur við salti og olju og hita mandlurnar í ovninum í uml. 30 minuttir, til tær hava fingið lit innan. Royn eina mandlu við at smakka um tær hava fingið góða ristaða smakkin. Um ikki, gev teimum 5 minuttir afturat.
Hakka mandlur til at leggja í botnin á glasinum og brúka restina at pynta við.