Laksasíða

Tilfar

1 laksasíða frá Hiddenfjord
olivinolju
Saft frá 2 leim
1 pk av Taco spice mix, 28 g
2 ssk av putursukri

Soleiðis gert tú
Lat laksastykkini tiðna í køliskápi. Tak beinini úr laksinum. Dubba laksin turran. Legg laksin á eina bakiplátu við bakipappíri. Smyr olivinolju á laksasíðuna. Blanda Taco-kryddið saman við putursukri og smyr á laksasíðuna. Pressa leimsaft oman á laksasíðuna. Baka laksin á 200 stigum í umleið 15-20 minuttir.

Salat

Tilfar

1 maisaks
2 avokado
15 sjerritomatir
1 mango
1 reyð kili
2 lógvar av frískari deymkorru (koriander)
1 leim

Olivinolja
Leimsaft

Soleiðis gert tú
Kóka maisaksið og sker maisið av. Sker mango í smaár bitar. Sker tomatirnar í helvt. Sker avokado í tunnar flísar. Hakka kili smátt. Sker eina hálva leim í flísar. Legg skorna grønmetið, mango og leimflísar oman á lidna laksin. Enda við deymkorru. Stoyt til síðst eitt sindur av olivinolju og leimsaft frá einari hálvari leim oman á salatið.

Søteplamorl

Tilfar
800 g av søteplum
2 fet av hvítleyki
100 g av smøri
50 g av súrróma 18%
1 lógva av frískari persillu
Salt og nýmalið pipar
½ kili

Soleiðis gert tú
Flys søteplini og tak skalið av hvítleykinum. Sker søteplini í smáar bitar og legg tey í eina grýtu saman við hvítleykinum. Fyll vatn í, so tað akkurát fjalir søteplini – kóka, til søteplini eru moyr, umleið 20 minuttir. Stoyt vatnið frá søteplunum – blenda søteplini til morl við einum stavblendara, lat morlið vera eitt sindur grovt. Hakka eina hálva kili smátt, og rør kili, smør og súrróma í søteplamorlið. Borðreið við fínthakkaðari persillu.

Visti tú …
At laksasíðurnar frá Hiddenfjord verða pakkaðar einans tríggjar tímar eftir, at laksurin er tikin úr havinum. Hetta tryggjar bestu góðsku. Laksastykkini frá Hiddenfjord fáast í flestu stóru matvøruhandlunum.