Til 8 fólk 

Tilfar
5 ørk av ríspappíri
3 dl av olju til at djúpsteikja í
250 g av feskum laksi 

Dressingur til laksin
4 ssk av súrróma
1,5 tsk av Sriracha kilidressingi
1 tsk av Kikkoman soyasós
smakka til við salti og pipari 

Pynt
½ reyðleyk
2 várleykir
1 ssk av svørtum sesamfræi 

Soleiðis gert tú
Stoyt olju á pannuna. Tá hon er heit, leggur tú eitt ríspappír í oljuna og steikir í umleið 1 minutt. Legg á køkspappír at dryppa. Soleiðis gert tú við øll ríspappírini, set til síðis at kólna. 

Sker laksin í smá bitar. Blanda dressingin og smakka til við salti og pipari. Rør saman við laksinum. Hakka leykin smátt og sker várleykin í flísar. Brót ríspappírið í hóskandi stykkir og legg eina súpiskeið av laksi á hvørt pappír, pynta síðan við reyðleyki og várleyki og til seinast við sesamfræ.