Matur
Ljóst gløgg - uttan alkohol
Heitt og kryddað ljóst gløgg, sum veruliga smakkar av jólum. Uppskriftin er uttan alkohol, men tú kanst væl stoyta eitt sindur av hvítt víni í.
Til 6 fólk
Tilfar
1 l av góðum súrepladjúsi
½ l av Ginger Ale
Saft frá tveimum appilsinum
Saft frá einari sitrón
20 g av frískum, flustum ingiferi í flísum
4 kanelstengur
4 heil stjørnuanis
4 ssk av rørsukri
Soleiðis gert tú
Stoyt alt tilfarið í eina grýtu og kóka upp – lat kóka í nakrar minuttir.
Tak gløggið av plátuni og set tað kalt í minsta lagi í fýra tímar – allerhelst til dagin eftir, so jólasmakkurin veruliga kemur fram.
Hita gløggið og borðreið við appilsinflísum, ljósum rosinum, flakum av mandlum, kanelstongum og stjørnuanis.
