Salat, sum metta
Salat við serranoskinku og hálvturkaðum tomatum
Til 4 fólk
Tilfar:
100 g av rukolasalati
2 búffil-mozzarellaostar
200 g av serranoskinku
400 g av jarðkneysum
250 g av cherrytomatum
2 bátar av hvítleyki
2 kvistar av timiani
200 g av balsamico
75 g av hunangi
75 g av bókhveitikjarnum
Salt og pipar
Olivinolju
Soleiðis gert tú:
Hita ovnin til 200 stig heitluft, legg heilar flísar av serranoskinku á bakipappír og baka í 8-9 min., til skinkan er broyskin.
Skola og skrubba jarðkneysarnar væl, ikki er neyðugt at flysa teir. Sker í avlong, stór stykki og baka í ovninum við eitt sindur av olivinolju, salti og pipari á 200 stigum heitluft í umleið 25-30 minuttir, til jarðkneysarnir eru vorðnir broysknir og hava fingið eitt sindur av liti.
Sker cherrytomatir í helvt og legg tær á bakipappír saman við fíntskornum hvítleyki, salti og pipari. Hakka timian grovt og stroy yvir. Baka við 150 stigum heitluft í 40-45 min. Lat kólna.
Kóka balsamico og hunang saman til hálva nøgd og lat kólna.
Rista bókhveitikjarnurnar á eini pannu, til tær eru broysknar.
Blanda nú salatið saman – enda við at stroya bókhveitikjarnur omaná og legg broysknu skinkuna tilvildarligt í salatið.
---
Litríkt salat við hokkaido graskeri
Til 4 fólk
Tilfar:
150 g av frískum grønkáli
1 granatepli
50 g av persillu (breið bløð)
2 avokado
300 g av perluspelti
1 hokkaido grasker
1 tsk av karry
2 kvistar av skornum rósmarini
100 g av sólblómukjarnum
20 g av hunangi
Salt og pipar
Olivinolju
Soleiðis gert tú:
Skola perluspeltið við køldum vatni og kóka tað í lættsaltaðum vatni.
Skola og skrubba hokkaido graskerið væl. Ikki er neyðugt at flysa tað. Sker graskerið í tjúkkar flísar, legg á bakipappír, smurt við olivinolju, stroy salt, pipar, karry og stroy tað skorna rósmarinið yvir. Baka við 220 stigum heitluft í umleið 20-25 min, til graskerið hevur fingið eitt sindur av liti og er moyrt.
Rista sólblómukjarnurnar á eini pannu við miðal hita í eitt sindur av olivinolju, til tær eru blivnar gyltar. Blanda nú hunang og væl av fínum salti í. Steik kjarnurnar, til liturin er sum gylt karamell. Legg tær heitu sólblómukjarnurnar á eitt stykki av bakipappíri, lat tær kólna. Blanda salatið og stroy til síðst sólblómukjarnur yvir salatið.
Sitróndressingur
Tilfar:
75 g av olivinolju
Saft úr 1/2 sitrón
20 g av akasiuhunangi
1 tsk av knústum rósinpipari
Salt
Soleiðis gert tú:
Blanda alt tilfarið væl saman. Blanda dressingin í salatið.
---
Bønusalat við krabbahala
Til 4 fólk:
Tilfar:
200 g av hvítum bønum
200 g av edamamebønum
400 g av krabbahala
200 g av reyðrót
50 g av frískari dild
100 g av feldsalati
20 g av frystum havtyrni
50 g av ristaðum pinjukjarnum
Eitt sindur av sitrónsaft
Salt
Eitt sindur av nigellafræi
Soleiðis gert tú:
Kóka hvítu bønirnar moyrar í lættsaltaðum vatni. Skola tær við køldum vatni.
Rív reyðrøturnar fínt og legg í kalt vatn við eitt sindur av sitrónsaft, so tær eru kaldar og broysknar, tá salatið skal etast.
Rista pinjukjarnurnar á turrari pannu, til tær hava fingið lit. Legg tær á bakipappír at kólna.
Blanda salatið og stroy pinjukjarnurnar á salatið.
Havtyrnadressingur
Tilfar
200 g av súrróma 18%
30 g av frystum havtyrni
10 g av frískari sitrónsaft
Eitt sindur av rivnum sitrónskali
10 g av olivinolju
Salt og pipar
Soleiðis gert tú:
Blenda alt saman og set kalt. Borðreið við dressinginum við síðuna av salatinum.
---
Pastusalat við grønum pesto og rótum
Til 4 fólk:
Tilfar:
400 g av pastu
100 g av babyspinati
200 g av kikkertrum
100 g av mozzarellakúlum
400 g av gulum reyðrótum ella vanligum reyðrótum
Salt og pipar
Soleiðis gert tú:
Kóka pastuna í lættsaltaðum vatni og køl við køldum vatni fyri at steðga kókingini. Stoyt vatnið av kikkertrunum.
Stroy salt og pipar á røturnar og steik tær við 200 stigum í 20-25 min, til tær eru moyrar og hava fingið lit. Lat kólna.
Blanda alt saman.
Grønt pesto
Tilfar
200 g av spinati
60 g av persillu (breið bløð)
200 g av olivinolju
30 g av parmesanosti
30 g av mandlum
Salt og peber
1 bát av hvítleyki
Soleiðis gert tú:
Blenda spinat, persillu og olivinolju væl. Stoyt parmesanost, mandlur, salt, pipar og hvítleyk í og blenda aftur. Vend lidnu pestoina í pastusalatið.