Tilfar til botnin:
100 g av sjokulátu, 55%
100 g av smøri
100 g av sukri
3 eggjareyðar
2 eggjahvítar
Tilfar til fromasjuna:
5 límbløð (husblas)
4 hitaviðgjørdar eggjareyðar (2 bikør)
100 g av sukri
2 tsk av rivnum sitrónskali
1 1/2 dl av sitrónsaft (uml. 2-3 sitrónir)
3 hitaviðgjørdar eggjahvítar (2 bikør)
3 dl av róma
Soleiðis gert tú botnin:
Hakka sjokulátuna grovt. Smelta sjokulátu og smør yvir vatnbaði. Píska sukur og eggjareyðar til ein tjúkkan eggjasnaps og rør síðani sjokulátablandið varliga í við eini skeið.
Píska eggjahvítarnar stívar og vend teir varliga saman við restini.
Legg bakipappír á botnin á einum springformi (24 cm) og smyr formin við feitti, stoyt deiggið í formin og baka botnin í 25 min á 175 stigum. Lat botnin kólna heilt.
Soleiðis gert tú fromasjuna:
Legg límbløðini á blot (uml 10 min). Píska eggjareyðar og sukur til ein tjúkkan eggjasnaps, blanda tað rivna sitrónskalið og helvtina av sitrónsaftini saman við.
Tak husblasið úr vatninum, kroyst vatnið frá og smelta tað yvir vatnbaði, rør restina av sitrónsaftini í, lat kólna í uml 10 min, ella til tað er uml 30 stig. Rør eitt lítið sindur av eggjablandinum saman við og stoyt tað síðan í eggjablandið, meðan tú rørir.
Píska eggjahvítarnar stívar og píska róman til skúm. Tá eggjablandið byrjar at stívna eitt lítið sindur (hetta átti ikki tikið langa tíð), vendir tú fyrst eggjahvítanum varliga saman við og síðan róman.
Legg sjokulátabotnin á eitt fat, sum tú vil servera køkuna á, smyr springformin við feitti (bert ringin, ikki botnin) og spenn hann aftur um botnin. Stoyt síðani fromasjuna á og lat standa í køliskápi, til fromasjan er stívnað (uml 3 tímar).
Pynta við kakaopulvuri og minieggum.
