Tilfar

2 stórir reyðleykir

2 dl av góðum lager-ediki

70 g av sukri

Pipar

Gjarna 2 kvistar av timian

Sker leykin í tjúkkar ringar. Kóka edik og sukur saman við pipari og timian og stoyt yvir leykin.

Lat standa í eini lítlari skál – helst alla náttina, ella so nógvar tímar, sum gjørligt.

Dunnubringa

Tilfar

2 dunnubringur, uml. 200 g hvør

Nakrar kvistar av timian

Ein stóran hvítleyksbát

Gott salt, gjarna flakasalt

Sker rivur í skinnið niður til kjøtið við umleið 1 cm ímillum og gníggja væl við salti.

Legg dunnubringuna við skinninum niður á eina KALDA pannu saman við hvítleyki og timian. Steik við lágum/miðal hita. Nóg mikið av feitti er á dunnuni, so ikki er neyðugt við steikifeitti.

Steik við lágum/miðal hita, til tað mesta av feittinum er smeltað burtur og skinnið er broyskið (umleið 18-20 min). Vend bringuni og steik á kjøtsíðuni 3-4 min. Legg til viks og lat kjøtið hvíla í stannioli í 5-10 minuttir, áðrenn tú skert sundur í tunnar flísar.

Soppatapenada

200 g av brúnum soppum

1 lítlan reyðleyk

50 g av smøri

1 neva av frískum sitróntimian

1 grønmetis-bótarmola

Salt og nógv pipar

50 g av vatni

Soleiðis gert tú:

Smelta smørið á pannuni við miðal/høgum hita og steik leyk, soppar, timian, salt og pipar. Stoyt vatn í, morla bótarmolan í, kóka 2 min og blenda alt saman. Set til viks, klárt at hita, tá tú borðreiðir.

Legg saman:

Hita bollarnar og sker í helvt. Smyr soppatapenadu á báðar helvtir. Legg dunnubringu í flísum á og síðani súltaðan leyk. Kanska persillu til pynt.