![Malene Fisker Waag letur upp nýtt kondittarí](https://kvinna.cdn.fo/savn/onddpwjl/7g5a0992.jpg?width=1200&height=680&rxy=0.51,0.39740447597555772&rmode=crop&t=2715&s=0VmrcFcZpGNTKcxL8MNvqA8SZew)
Malene Fisker Waag er ein av eigarunum og sjálv virkandi kondittari í nýggja kondittarínum Omaná. Malene hevur lært til kondittara á kenda kondaritarínum í Keypmannahavn, La Glace, og hevur eisini arbeitt í New York eitt skifti. Afturat tí hevur hon eisini royndir sum ísmeistari.
-Eg havi altíð droymt um at hava mítt egna kondittarí, og nú gjørdist mín dreymur veruleiki. Eg hevði bara aldrin gitt, at tað fór at vera í Føroyum, sigur Malene, sum er uppvaksin í Danmark, men er flutt til Føroyar saman við føroyska manninum.
-Í nýggja kondittarínum leggja vit dent á at hava okkara egna stíl, sigur Malene, sum leygardegin letur dyrnar upp til litfagra kondittaríið Omaná hevur.
Í Omaná fáast leskiligar kondittarakakur, tertur, heimagjørdur ísur og kaffi av ymsum slagi. Til ber eisini at keypa kakur heim við og at bíleggja til veitslur.
-Eg gleði meg til at deila mína bakigleði og hjartabarn við alt Føroya fólk í morgin og vóni, at fólk fara at taka væl ímóti, sigur Malene.